Personvern
Kort fortalt: me samlar inn så lite som mogleg, og ingenting blir spora utan at du har sagt ja.
Kven er ansvarleg?
Palepop er ansvarleg for personopplysningane som blir behandla på palepop.no. Har du spørsmål, send ein e-post til post@palepop.no.
Meta-pikselen
Me brukar Meta-pikselen frå Meta (Facebook og Instagram) for å sjå kva annonsar som får folk til å besøkje sida og kjøpe billett, og for å kunne vise annonsar til folk som har vore innom. Pikselen registrerer kva sider du besøkjer, og Meta kan kople dette til Facebook- eller Instagram-kontoen din.
Pikselen blir berre lasta om du trykkjer «Ja, greitt» i boksen som kjem opp første gong du besøkjer sida. Seier du nei, blir ingenting sendt til Meta. Grunnlaget er samtykket ditt.
Valet ditt blir lagra i nettlesaren din, så du slepp å svare kvar gong. Du kan ombestemme deg når som helst:
Meta behandlar opplysningane etter sin eigen personvernpolicy: facebook.com/privacy/policy.
Google Tag Manager
Me brukar òg Google Tag Manager, eit verktøy frå Google som me brukar til å måle trafikk og annonsar, til dømes med Google Analytics og Google Ads. Det kan setje informasjonskapslar og sende opplysningar om besøket ditt til Google.
Akkurat som Meta-pikselen blir Google Tag Manager berre lasta om du har sagt ja i boksen. Seier du nei, blir ingenting sendt til Google. Google behandlar opplysningane etter sin eigen personvernpolicy: policies.google.com/privacy.
Nyheitsbrev og «Bli med i stimen»
Melder du deg på med e-postadressa di, blir ho sendt til Laylo, tenesta me brukar for nyheitsbrev og SMS. Me brukar adressa berre til å sende deg nytt om Palepop. Du kan melde deg av når som helst via lenka i kvar e-post.
Billettkjøp
Billettane blir selde gjennom TicketCo. Når du kjøper billett, er det TicketCo som behandlar opplysningane om kjøpet etter sin eigen personvernerklæring. Har du sagt ja til Meta-pikselen, kan kjøpet òg bli registrert hos Meta, slik at me kan måle kva annonsar som sel billettar.
Rettane dine
Du har rett til innsyn i, retting av og sletting av opplysningar om deg. Send ein e-post til post@palepop.no, så hjelper me deg. Meiner du at me ikkje følgjer reglane, kan du klage til Datatilsynet.
Sist oppdatert: 25. oktober 2026